Англиянинг «Манчестер Сити» ярим ҳимоячиси Бернарду Силва «Астон Вилла» (2:0) устидан қўлга киритилган ғалаба ҳақидаги фикрлари билан ўртоқлашди.
«Биз учун жуда қийин ўйин бўлди, чунки 79-дақиқагача гол кирита олмадик. Лекин, айнан шу дақиқада ҳисобни очиб, мақсадимизга эришдик. Айни пайтда жуда бахтиётмиз. Муҳим ғалабани қўлга киритдик.
Сўнгги голимни ўтган мавсумда киритгандим. Албатта, бугун гол киритганимдан жуда хурсандман. Энг асосийси, биз ҳозир етакчимиз, лекин олдимизда узун йўл турибди.
Охирги пайтларда жуда яхши ўйнаяпмиз, кам гол ўтказиб юборяпмиз, мана шундай руҳда давом этишимиз керак», - деди Силва BT Sport билан суҳбатда.
