Осиёнинг тўрт карра тенгсиз ҳаками Равшан Эрматов “Спорт” телеканалига берган интервьюсида ўзбекистонлик ҳакамлар савияси ва клублар ўртасидаги жаҳон чемпионати ҳақида фикр юритди.

“Умуман олганда, бир учрашувда ҳакамлар 50-60 атрофида баҳсли вазиятларга қарор чиқаришади. Ушбу қарорларнинг 5-6тасида кичик камчиликлар йўл қўйилса ҳам ҳакамнинг иши яхши баҳога лойиқ кўрилади. Бундан 5-6 йил муқаддам Ўзбекистон чемпионати учрашувларида ҳакамларимиз ҳаракатларида бир мунча кўп ҳатолар кузатилгани бор гап. Бироқ сўнгги йилларда Ўзбекистон футбол федерациясининг “Ҳакамлар ва назоратчилар” бўлими томонидан олиб борилаётган ижобий ишлар самараси ўлароқ, ҳатоларимиз сони кескин камайиб бормоқда”, - дейди Эрматов.

“Майдонга чиқишдан олдин, ўзимни ўша учрашувга яхшилаб тайёрлайман. Агарда “Манчестер Юнайтед” ёки “Барселона” жамоалари ўйинига ҳакамлик қиламан, деб ўйинга чиқсам ўзимга-ўзим босим юклаган бўламан. Мен учун майдонда барча жамоалар бир хил. Юлдузларни ҳам. Юлдуз ва оддий футболчиларни фарқламайман, уларни футболка рангларигагина ажратаман холос.”