«Милан» яқинда амалга оширган харидларидан бири Марио Манжукич эртага ўзининг клуб сафидаги расмий биринчи ўйинини ўтказиши мумкин. У бунга тайёр ҳолатда.
Жамоа бош мураббийи Стефано Пиоли бу ҳақда фикр билдирди. «Жисмоний ҳолатдан унда эртага ўйнаш учун камчилик кўрмадим. Гарчи анчадан бери майдонда ҳаракат қилмаган бўлсада, Марио машғулотларда ҳар доимгидек фаол иштирок этди.
Менинг олдимда иккита йўл бор эди: бири унга оптимал формага тушиб олиши учун 3-4 ҳафта вақт бериш; иккинчиси уни дарҳол синовдан ўтказиш. Мен иккинчисини танладим. Натижани эса эртага кўрамиз», - дейди мутахассис.
Эслатиб ўтамиз "Милан" ҳамда "Аталанта" жамоалари ўртасидаги баҳс эртага соат 22:00 да старт олади.
