Дортмунднинг "Боруссия" ҳужумчиси Эрлинг Холанд Бундеслига доирасида Менхенгладбахнинг "Боруссия" (2:4) жамоасидан қабул қилиб олинган мағлубиятдан кейинги фикрлари билан ўртоқлашди. Ушбу баҳсда 20 ёшли футболчи олти дақиқа ичида дубль қайд этди.
— Жуда ғазабдаман. Биз ишлашда давом этишимиз керак. Ўзимизга келиб олишимиз керак, чунки бундай тарзда мағлубиятга учраш даҳшатли!. Шундай ғазабдаманки, сиз ҳатто буни тасаввур ҳам қила олмайсиз. Агар стандарт вазиятлардан кўп гол ўтказиб юбормаганимизда ғалаба қозонган бўлардик, — деди Холанд NRK билан суҳбатда.
