«Барселона» устози Роналд Куман жамоа таркибини кучайтириш кераклигини айтди.
«Менинг позициям аниқ: бизга футболчилар етишмаяпти, лекин бунга клубнинг иқтисодий муаммоси таъсир кўрсатмоқда.
Ўйлайманки, биз бир хил фикрлаяпмиз. Агар янги футболчи келмайдиган бўлса, у ҳолда мавжуд таркиб билан ўйнашда давом этишга қарор қиламан. Агар яхшироқ натижага эришишни хоҳласак, у ҳолда янги футболчилар сотиб олишимиз керак», – деди Куман.
Айни пайтда «Барселона» турнир жадвалида 4-ўринни эгаллаб турибди.