Италия чемпионатининг 19-тури доирасида «Женоа» ўз уйида «Кальяри»ни қабул қилиб, муҳим ғалабани қўлга киритди.

Генуяликлар баҳснинг 10-дақиқасида ҳисобни очишди. Шомуродов ўнг томондан жарима майдонига кирди. Ҳамюртимиз икки ҳимоячи қуршовида бўлишига қарамай, тўпни Стротманга етказди. У эса қулай жойда очилган Дестрони тўп билан таъминлади. Маттия аниқ зарба билан дарвозани забт этди.

Шомуродов биринчи бўлим сўнгида жуда қулай имкониятга эга бўлди. Дарвозага яқин жойда ҳамюртимиз тўпни посбоннинг устидан ошириб гол уришга ҳаракат қилди. Аммо тўп юқоридан ўтиб кетди.

Иккинчи бўлимда ташаббус "Кальяри" томонида бўлди. Шомуродов эса 77-дақиқада енгил жароҳат олгани учун захирага олинди. "Женоа" ғалабани сақлаб қолганча ўз очколарини 18тага етказди ва 15-поғонага кўтарилди.

Италия А серияси, 19-тур
Женоа – Кальяри 1:0 (1:0, 0:0)
Гол: 1:0 – 10 Дестро.
Женоа – Перин, Кришито, Дзаппакоста, Масьелло, Чиборра (Онгене, 56), Стротман (Бехрами, 63), Радованович, Бадель, Зайц (Мелегони, 77), Дестро (Пандев, 62), Шомуродов (Пьяца, 77).
Кальяри – Краньо, Ликояннис, Годин, Дзаппа, Чеппителли, Данкан (Соттиль, 70), Наингголан (Перейро, 85), Марин, Нандес, Жоао Педро, Симеоне (Черри, 70).
Огоҳлантиришлар: Дестро (18), Нандес (20), Дзаппа (85).