Фарғонада давом этаётган «Ҳоким Кубоги»да 2-тур ўйинлари старт олди. Жамоамиз 2-турни эртага «Турон-2»га қарши ўтказади. Эртанги баҳс олдидан жамоамиз мураббийи Марат Мифтахуддиновнинг фикрлари билан қизиқдик.
- «Турон-2»га қарши ўйинга режа асосида тайёргарлик кўрдик, ҳаммаси жойида. Ўйлайманки, руҳий томондан ҳам муаммолар бўлмайди. Биринчи баҳсдан кейин йигитлар тўғри хулоса чиқарган ва эртага 1-турдаги хатоларни такрорламаймиз. Таркибда муаммоларимиз йўқ, ҳамма учрашувга тайёр! Биз мусобақада натижа қайд этишдан ташқари, мавсумга тайёргарликни ҳам давом эттиряпмиз. Хусусан, бугун икки маҳал машғулот ўтказдик. Тўғри, ҳар қандай мураббий ўзи қатнашаётган турнирда ғолиб бўлишни истайди, бироқ ҳали мавсум бошланмаган экан, унга тайёргарликни ҳам унутмаслик шарт! Шунинг учун биз иккала йўлдан ҳам кетяпмиз.
Мени қизиқтираётгани бизга қарши «Турон»нинг қайси таркиби ўйнайди? Аралашми ёки номи билан «Турон-2»ми? Аслида рақибимиз сафида тажрибали футболчилар ҳаракат қилиши бизга маъқул. Зеро, йигитлар тажрибали рақибга қарши ўз-ўзидан жиддий кайфиятда майдонга чиқади. Табиийки, рақиб ҳам «Бунёдкор»дек жамоа билан бўладиган беллашувда борини бериб тўп суради. У хоҳ асосий таркиб бўлсин, хоҳ аралаш, бунинг аҳамияти йўқ. Натижада мухлислар чиройли футбол гувоҳига айланади.
