Испаниялик тажрибали мураббийи Рафаэль Бенитес "Наполи" устози Женнаро Гаттузонинг ўрнини эгаллаши мумкин. Бу ҳақда Италия матбуоти хабар бермоқда.
Бенитес яқинда Хитойнинг «Далянь Ифан» жамоасини тарк этганди ва айни пайтда ўзига янги иш жой қидирмоқда. Италия ОАВни ёзишига қараганда, испаниялик мураббий «Наполи» президенти Аурелио Де Лаурентис билан боғланган ва Неаполга қайтиш ҳақида суҳбатлашган.
Эслатиб ўтамиз, «Наполи» устози Женнаро Гаттузога вазиятни ўнглаш учун 10 кун муддат берилгани ҳақида хабарлар тарқалганди. Гаттузо шу муддат оралиғида учта учрашувда ғалаба қозониши керак, акс ҳолда жамоага янги бош мураббий олиб келиниши мумкин.