Англиянинг «Шеффилд Юнайтед» устози Крис Уайлдер АПЛ доирасида «Манчестер Юнайтед» (2:1) устидан сафарда қўлга киритилган ғалаба ҳақидаги фикрлари билан ўртоқлашди.

«Жорий мавсум биз учун қувончли лаҳзалар кўп бўлмади. Ҳозир футболчиларимиз кийиниш хонасида сакрамоқдалар, оёқлари ердан узилиб қолди ва биз бунга бугун ҳақлимиз. Бу мавсум биз учун қийин ўтмоқда, лекин эртага мен шогирдларимни ерга тушираман. Ажойиб натижа, футболчиларим учун хурсандман.

«Олд Траффорд»да ғалаба қозонишни узоқ вақтдан бери кутган эдик, бу алоҳида натижа ва ўзгача ўйин.

Фил Жагелка барча жойда яхши ҳаракат қилди. У Магуайрга гол киритишига имкон бергани учун танқид эшитади, лекин у бугун ҳимоямизни ушлаб турди. Шовқиндан узоқлашишни ва ўз ишини қилишни билиш керак. Ҳисобимизда кўпроқ очко бўлиши керак эди, аммо биз бор нарсамизга асос солишимиз керак.

Мен ақлбовар қилмас нажот бошланди деб айтмаган бўлардим, лекин биз нимага лойиқ эканлигимизни кўрсатмоқчиман», – деди Уайлдер.