Каталониянинг «Барселона» бош мураббийи Роналд Куман Испания Кубоги доирасида «Райо Вальекано» (2:1) жамоасига қарши ўйинни бошқарган ҳакамлар бригадасини танқид қилди.
«Учрашув мобайнида ўйин қоидаси бузилганини айтганимда у менга сариқ карточка кўрсатди. Агар бу вазият учун ҳам сариқ карточка кўрсатаверса, у ҳолда биз қаёққа қараб кетяпмиз?
Биринчи бўлимда қоидабузарлик сифатида баҳолаш ва пенальти белгилаш мумкин бўлган бир нечта якка курашлар бўлди. Аммо, VAR иштирокида албатта бу қоидабузарликларнинг биттасини ҳам бизни фойдамизга белгилашмади. Биз бу билан муросага келишимиз керак», – деди Куман.
