Франциянинг "Пари Сент Жермен" клуби тепасига янги мураббий келганидан буён бир қатор омадсизликлар гирдобидан чиқа олмаяпти. 

Бу сафар жамоанинг яна икки нафар аъзосидан коронавирус аниқлангани маълум бўлмоқда. Мамлакатнинг турли нашрлари берган маълумотларга кўра Марко Вератти ҳамда Абду Диаллоларнинг коронавирусга топширган тести мусбат натижа берган.  Ҳозирда касалликнинг қандай кечаётгани тўғрисида қўшимча маълумотлар мавжуд эмас. 

Бироқ изоляцияга олинган ҳар икки футболчи ҳам жамоасининг эртага бўлиб ўтадиган "Лорьян"га қарши баҳсида иштирок эта олмайди. Бундан аввал бош мураббий Почеттино ҳам вирусга чалинган эди.