Fransiyaning "Pari Sent Jermen" klubi tepasiga yangi murabbiy kelganidan buyon bir qator omadsizliklar girdobidan chiqa olmayapti.
Bu safar jamoaning yana ikki nafar a’zosidan koronavirus aniqlangani ma’lum bo‘lmoqda. Mamlakatning turli nashrlari bergan ma’lumotlarga ko‘ra Marko Veratti hamda Abdu Diallolarning koronavirusga topshirgan testi musbat natija bergan. Hozirda kasallikning qanday kechayotgani to‘g‘risida qo‘shimcha ma’lumotlar mavjud emas.
Biroq izolyasiyaga olingan har ikki futbolchi ham jamoasining ertaga bo‘lib o‘tadigan "Loryan"ga qarshi bahsida ishtirok eta olmaydi. Bundan avval bosh murabbiy Pochettino ham virusga chalingan edi.
