Мадриднинг «Реал» клуби ёрдамчи мураббийи Давид Беттони Ла Лига доирасида «Леванте» (1:2) жамоасига қарши ўйиндан кейинги фикрларини билдириб ўтди. Зидан коронавирусга чалинганлиги сабабли, бу баҳсда иштирок эта олмади.
«Қийин мағлубият, айниқса 9-дақиқадаги қизил карточкадан кейин. Биз ҳисобда олдинга чиқиб олгандик, лекин «Леванте»нинг жавоб голи хурсандчилигимизни узоққа чўзмади. Иккинчи бўлимни яхши бошлагандик, аммо уларнинг иккинчи голи бизни синдирди.
Жуда оғриқли мағлубият, лекин жамоа тўғри ирода кўрсата олганини кўрдим. Сўнгги дақиқагача кураш олиб борган жамоани кўрдим. 10 киши бўлиб ўйнаш жуда қийин. «Реал» ҳалиям бизга ишонади» , – деди Беттони.