Мадриднинг «Реал» посбони Тибо Куртуа Ла Лига доирасида «Леванте» (1:2) жамоасидан қабул қилиб олинган мағлубиятдан кейинги фикрлари билан ўртоқлашди.
«Ёмон ўйнадик деб айтмаган бўлардим. Ўйиннинг бошиданоқ бир киши кам бўлиб ўйнашга мажбур бўлдик. «Леванте» - рақибларга муаммо туғдирадиган ажойиб жамоа.
«Атлетико» билан ўртадаги фарқ? Ҳар қандай вазиятда ҳам курашишимиз шарт. Ҳа, улар ғалаба қозонишда давом этишмоқда, қолаверса, захирасида ўйинлар ҳам бор. Биз уларни мағлубиятга учрашувига умид қилган ҳолда, ғалаба қозонишда давом этишимиз керак», - деди Куртуа AS нашри билан суҳбатда.
«Реал» «Атлетико»дан етти очко ортда қолмоқда ва "матрасчилар" ҳисобида иккита захира ўйини бор.
