Лондоннинг «Арсенал» ҳимоячиси Давид Луиз 21-тур доирасида «Манчестер Юнайтед» (0:0) жамоасига қарши ўйиндан кейинги фикрлари билан ўртоқлашди.

«Бироз хафаман, чунки биз ғалаба қозонишни севамиз. Ғалаба қозониш учун бор кучимизни ишга солгандик.

Мураббийимиз катта ишни амалга оширмоқда, таркибимиздаги ёшлар шунчаки фантастик ўйин намойиш этишмоқда. Ўйлайманки, бизда ажойиб муҳит остида барпо этилган ҳақиқий жамоа мавжуд. Лекин, агар ҳар куни бор эътиборимиз билан меҳнат қилмасак, барча нарса ўзгариб кетиши мумкин.

Қийин даврни енгиб ўтганимиздан йигитлар қониқиш ҳосил қилди. Лекин биз пешқадамлардан анча ортдамиз. Ўйиндан ўйинга яхши ўйнашда давом этишимиз керак, шунда кўрамиз мавсум якунида қандай ўринни эгаллашимизни.

Биринчи ўринлар учун кураш бизнинг амбициямизга мос келади, биз ҳар куни шу ҳақда ўйлаймиз», – деди Луиз Sky Sports билан суҳбатда.