«Ливерпуль» клуби собиқ ҳимоячиси Жейми Каррагер ким кучли экани ҳақидаги саволга жавоб берди: Криштиану Роналду ёки Лионель Месси.

«Месси. Ўйлашимча, ушбу масалада мен кўпчилик томондаман.

Мен Роналдуни кўпроқ ҳурмат қиламан. У ҳам юксак иқтидор соҳиби, у ўзининг менталитети ва сидқидилдан қилган меҳнати эвазига юқори чўққига чиқди. Ҳар сафар Криштиану "тамом бўлди" деб ўйлаганингда ёки Месси қандайдир фантастик ишни амалга оширганида, Роналду яна ва яна қайтаверади.

Шундай дейман: Роналду бошқа ўйинчилар қила оладиган ишларни қилади, фақат у бу ишларни кўпроқ амалга оширади. У кўпроқ гол уради, аммо Месси бошқалар қила олмайдиган ишларни бажара олади. Роналду ажойиб гол урганида: «Яхши, мен буни аввал ҳам кўрганман», деб ўйлайсан. Роналду буни тез-тез амалга оширади. Аммо Мессининг дриблинги ва майдонни кўра олиши — футболда кам учрайдиган ҳолат.

Мен ҳамиша Мессини танлайман. Чунки у ўзгалар бажара олмайдиган ишларни қила олади ва рақибларнинг оғзини очириб қўяди», – деди Каррагер.