«Liverpul» klubi sobiq himoyachisi Jeymi Karrager kim kuchli ekani haqidagi savolga javob berdi: Krishtianu Ronaldu yoki Lionel Messi.

«Messi. O‘ylashimcha, ushbu masalada men ko‘pchilik tomondaman.

Men Ronalduni ko‘proq hurmat qilaman. U ham yuksak iqtidor sohibi, u o‘zining mentaliteti va sidqidildan qilgan mehnati evaziga yuqori cho‘qqiga chiqdi. Har safar Krishtianu "tamom bo‘ldi" deb o‘ylaganingda yoki Messi qandaydir fantastik ishni amalga oshirganida, Ronaldu yana va yana qaytaveradi.

Shunday deyman: Ronaldu boshqa o‘yinchilar qila oladigan ishlarni qiladi, faqat u bu ishlarni ko‘proq amalga oshiradi. U ko‘proq gol uradi, ammo Messi boshqalar qila olmaydigan ishlarni bajara oladi. Ronaldu ajoyib gol urganida: «Yaxshi, men buni avval ham ko‘rganman», deb o‘ylaysan. Ronaldu buni tez-tez amalga oshiradi. Ammo Messining driblingi va maydonni ko‘ra olishi — futbolda kam uchraydigan holat.

Men hamisha Messini tanlayman. Chunki u o‘zgalar bajara olmaydigan ishlarni qila oladi va raqiblarning og‘zini ochirib qo‘yadi», – dedi Karrager.