Туркиянинг Анталия шаҳрида янги мавсумга ҳозирлик кўраётган “Қизилқум” футболчилари 31 январь куни йиғин доирасидаги иккинчи назорат учрашувини Босниява Герцоговинанинг “Борац” клуби билан куч синашди.

Рақибимиз “Борац” клуби салкам бир асрлик тарихга эга бўлиб, ўтган йили мамлакатининг юқори дивизонида 4-поғонани эгаллаган. 2010 йили Босния кубоги ,2011 йил жамоа мамлакат чемпионлигини қўлга киритган. Уч марта бронза медалларига эгалик қилган...

Кескин кечган беллашувнинг 63-дақиқасида жамоамиз томонидан уюштирилган ажойиб комбинация гол билан якунланди. Шерали Жўраев ўнг қанотда рақиб ҳимоячисини усталик билан алдаб ўтиб, тўпни жарима майдончасида қулай вазиятда турган грузиялик ҳужумчимиз Мате Вацадзега узатди. Тажрибали легионер бу вазиятда рақиб посбонини доғда қолдиришнинг уддасидан чиқди- 1:0.

Бу гол учрашувда ягоналигини сақлаб қолди ва “Қизилқум”га Туркия йиғини давомидаги илк ғалабани тақдим этди.

Мазкур беллашувни жамоамиз қуйидаги таркибда ўтказди: Игнатий Нестеров, Эркин Байдуллаев, Муҳсин Убайдуллаев, Салим Мустафаев, Шерали Жўраев, Олег Толмасов, Беҳруз Саъдиллоев, Элгужа Григалашвили, Гиорги Кухианидзе, Ойбек Қиличев.

Футболчиларимиз Туркия йиғини доирасида учинчи назорат учрашувини 2 февраль куни Украинанинг “Оболонь” клуби билан ўтказади.