"Барселона"нинг 34 ёшли нидерландиялик собиқ ярим ҳимоячиси Иброҳим Афеллай футболчилик фаолиятини якунлаганини эълон қилди.

«Фаолиятимни якунлашга қарор қилдим. Бу ҳақда аввалдан ўйлаб келаётгандим. Якунда шу қарорга келдим. Яна бир мавсум ўйнамоқчи эдим, лекин ҳар қандай нархга эмас. Менда барчаси жойида», - деди Афеллай AD.nl сайтига берган интервьюсида.

Афеллай фаолияти давомида ПСВ, «Барселона», «Шальке», «Олимпиакос» ва «Сток Сити» клубларида ўйнаган.

Нидерландия терма жамоаситда Иброҳим 53 та ўйин ўтказган.