«Барселона» бош мураббийи Рональд Куман Мессининг шартномаси ҳақида тарқалган маълумотлар ҳақида гапирди.

«Ким буни матбуотда айтган бўлса, «Барселона»да унинг келажаги йўқ. Буларнинг барчаси ёвуз ниятда қилинган. Ушбу маълумот матбуотга қандай қилиб етиб борганини аниқлашимиз керак.

Жамоа бор эътиборини мавсумга қаратиши керак. Ҳозир яхши ўйнаяпмиз. Бу масалага эътиборсиз бўла олмаймиз, бироқ, Месси ва "Барселона"га зарар етказмоқчи бўлган инсонлар бор», - деди Куман Goal порталига.

Аввалроқ ОАВ орқали Месси тўрт йиллик шартнома орқали 555 миллион евро маблағ ишлаб топгани ҳақида хабар тарқатилганди.