Римнинг «Рома» клуби бош мураббийи Паулу Фонсека ва жамоа ҳужумчиси Эдин Жеколар ўртасидаги муносабат ёмонлашганди. Шу сабабли, Фонсека босниялик ҳужумчини жамоанинг сўнгги бир нечта ўйинларида майдонга туширмади, ҳатто умумий машғулотларда иштирок этиши рухсат ҳам бермади.
Il Corriere dello Sport нашрининг тарқатган маълумотига қараганда, эртага Жеко Фонсека билан учрашади. Томонлар муносабатларни яхшилаб олиши ва биргаликда ишлашда давом этишлари борасида келишиб олишади. Манбанинг қайд этишича, ушбу учрашувда футболчининг агенти Алессандро Луччи ва "Рома" спорт директори Тьяго Пинту ҳам иштирок этади.
Жорий мавсум Эдин Жеко «Рома» таркибида 20 та ўйинда майдонга тушиб, 8 та гол киритишга эришди.
