Хабарингиз бор, “Навбаҳор” янги мавсумга жиддий тарзда тайёргарлик кўрмоқда.

Маълумот берганимиздек, жамоамиз навбатдаги ўқув-машғулот йиғинини Туркияда давом эттиради.
Мазкур сафар олдидан “Навбаҳор” ПФК вице-президенти Отабек Саматов жамоа бош мураббийи Нўъмон Ҳасанов ва сербиялик ёрдамчи мураббий Дражен Дукич билан учрашди ҳамда ушбу мутахассислар клуб билан шартнома имзолашди.

Биз мазкур мураббийларнинг “Навбаҳор”даги фаолиятларида омад ёр бўлиши, “лочинлар” билан юқори чўққиларни забт этишлари, жамоамизнинг эса бўлажак мавсумда совриндорлар сафидан жой олишини тилаб қоламиз.