"ПСЖ" бош мураббийи Маурисио Почеттино яна "Барселона" форварди Лионел Мессининг трансфери борасидаги саволга жавоб берди.
«Клубда стратегия яхшиланди. Агар менга Мессига мураббийлик қилиш имконияти берилса, бу жуда яхши бўлар эди. Аммо, келажакда бизни нима кутаётгани ва йўлларимиз кесишиб ўтадими-йўқми, номаълум» - дейди Почеттино.
Эслатиб ўтамиз, Мессининг Каталония клуби билан амалдаги шартномаси 2021 йил 30 июнгача амал қилади.
Қайд этиш мумкин, ушбу мавсумда Месси Испания чемпионатининг 18 учрашувида, 12 гол урди ва 2 голга ассистентлик қилди.
