"Барселона" президентлигига асосий номзод Жоан Лапорта Лионель Мессининг шартнома ҳақида тарқалиб кетган маълумотлар ҳақида фикр билдирди.
— Мен унга бу хабарларга эътибор бермаслигини ва уни "Барселона" мухлислари жамоада қолишини истаётганликлари ҳақида қисқа хабар юбордим. У менга жавоб ёздими ёки йўқми буни айтмоқчи эмасман. "Барселона"даги молиявий қийинчилик Месси билан тузилган шартнома сабабли юзага келмаган. Месси клубга ҳаражатдан кўра, кўпроқ фойда олиб келди. Биз текширув олиб бордик ва "Барселона"нинг деярли барча фойдалари айнан Месси орқали бўлган, — деди Лапорта RAC1 билан интервьюда.
