Эрон Про-лигасида қатнашаётган Табризнинг "Тракторсози" клуби Исфаҳоннинг "Сепоҳон" клубидан Милорад Янушни сотиб олди.
Сербиялик 30 ёшли ҳужумчи Табриз шаҳри шарафини ҳимоя қилувчи клуб билан тақдирини мавсум охиригача боғлади ва яна собиқ мураббийи Амир Ғалиноий қўл остига бориб тушди.
Януш ўтган мавсумда "Сепоҳон" таркибида Эрон Профессионал лигаси чемпионлигини қўлга киритган эди, бироқ жорий мавсумда ҳамюрти – "Сепоҳон" мураббийи Златко Кранчарнинг кўнглидан чиқа олмаётганди.
Эслатиб ўтамиз, Януш "Сепоҳон"га жойлашгунга қадар Тошкентнинг "Пахтакор" клубида тўп сурарди.
