Зинедин Зиданнинг «Реал»дан кетиши ҳақидаги миш-мишлар тинмаяпти. Мадридликлар жорий мавсумни бир-текисда ўтказа олмаяпти ва AS нашрининг тарқатган маълумотига қараганда, Зиданни фақатгина ЕЧЛдаги муваффақиятгина жамоада олиб қолиши мумкин.
El Larguero нашрининг баёнотига кўра эса, агар Зидан «Реал»ни тарк этадиган бўлса, унинг ўрнини эгаллаши мумкин бўлган асосий номзод - Рауль саналмоқда. Клуб раҳбариятининг фикрича, 43 ёшли мутахассис "Реал"нинг бош жамоасини бошқаришга тайёр.
Айни пайтда Рауль «Реал»нинг ёшлар жамоасини бошқармоқда. Ўтган мавсумда Рауль қўл остида «қаймоқранглилар» ёшлари УЕФА ўсмирлар лигасида ғолиб чиқишди.
