Футзал бўйича миллий терма жамоамиз Аргентина билан иккинчи баҳсда ҳам иштирок этди ва кичик, 0:1 ҳисобида имкониятни бой берди.
Учрашувдан сўнг, терма жамоамиз ёрдамчи мураббийи Нодир Элибоев ўз фикрлари билан ўртоқлашди.

"Ҳал қилувчи паллада маҳорат ўз сўзини айтаётгани кўриниб қоляпти. Ўйлайманки, биз кечагига нисбатан бугун яхшироқ ўйнадик. Мен, рақибларимиз ўз ўйинини намойиш этмади деб айта олмайман. Улар кечагига нисбатан бугун кўпроқ тер тўкишди.

Биз тўп назоратини сақлашга имкон қадар ҳаракат қилдик. Кеча 4 нафар футзалчимиз жароҳат олган бўлсада, бошқа футзалчилар анча яхши ўйин намойиш этишди. Барча мухлислар гувоҳи бўлишди, йигитлар борларини бериб ҳаракат қилишди.

Биз Аргентина терма жамоасининг кечагидан яхшироқ тайёргарликда майдонга тушуб келишини билгандик. Шу сабабли биз Аббосни танладик. У рақиб ҳужумини бузиш баробарида олдинги чизиқларда ҳам фаоллик кўрсата оладиган дарвозабон.

Кўпчилик бот-бот такрорлайдиган дарвоза чизиғимизда Рустам Умаровдан кейин муносиб номзод йўқлиги ҳақидаги гапларга мен ўйлайманки, бундай ўйинлардан кейин нуқта қўйилади. Биз Африка чемпиони билан ўйнадик мана энди жаҳон чемпиони.

Кўриб турганингиздек ўсишда давом этамиз. Бу ўйинлар бизга ва йигитларга катта тажриба бўлди. Ўз камчиликларимизни кўрдик ва бу ёғига уларни бартараф этамиз.