Хабар берганимиздек, жамоамиз маҳоратли дарвозабон Раҳимжон Давронов билан шартнома имзолади.

Ушбу посбон борасида тўхталадиган бўлсак, у 1996 йилнинг 3 октябрида Муборак шаҳрида туғилган. “Машъал” академияси тарбияланувчиси.

Футболчилик фаолияти давомида “Машъал” (Муборак, 2018 йил) ва “Бухоро” (Бухоро, 2019 йил) жамоалари шарафини ҳимоя қилган.

Давронов ўтган мавсумни ҳам муборакликлар таркибида ўтказган.

Эътиборлиси, маҳоратли посбон 2020 йилги мавсумда Суперлигада 12 та “қуруқ ўйин” ўтказган.

Раҳимжон Давронов Суперлигада 41та учрашувда майдонга тушиб, 3513 дақиқа ҳаракат қилган.

Шунингдек, маҳоратли дарвозабон 2018 йили Ўзбекистон – U-23 терма жамоаси таркибида Осиё чемпионлигини қўлга киритган.

Биз Раҳимжон Давроновга “Навбаҳор”даги фаолиятида омад ёр бўлиши, ажойиб сэйвлари билан жамоамизнинг ғалабаларига муносиб ҳиссасини қўшишига тилакдошмиз.