Испания маданият ва спорт ишлари вазири Хосе Мануэль Урибес Мессининг шартномаси бўйича маълумотларнинг тарқалиши билан боғлиқ вазият ҳақида гапирди.
“Мессининг шартномаси? Тўғри, бу ҳаддан ташқари ҳайратга солади. Бу ҳолатнинг ақлбовар қилмаслиги нафақат Испанияда, балки бутун дунёда айниқса ҳозирги, одамларнинг молиявий аҳволи анча оғирлашиб, вазият инқирозли тус олган бир пайтда кўпроқ сезилади.
Биз футболга ўхшаб илмга ҳам яхши маош тўлаш керак деб ўйлаймиз лекин, ҳақиқатдан ҳам ушбу ўта юқори миқдордаги сумма бизни ҳайратда қолдирмоқда. Бу менга боғлиқ эмас. Биз капиталистик, очиқ, бозор жамиятида яшаймиз. Аммо, менимча, ахлоқий нуқтаи назарни ҳам унутмаслик керак дейди “- Урибес.
Эслатиб ўтамиз, Мессининг “Барселона“ билан шартномаси 2021 йил 30 июнгача амал қилади. 33 ёшли футболчига асосий давогарлар “Манчестер Сити“ ва “ПСЖ“ ҳисобланади.
