«Реал» клуби бош мураббий Зайниддин Зидан мадридликлар бошқарувидаги келажаги ҳақида гапирди.

"Нима бўлишини билмайман. Биз мавсумни шу таркибда якунлашга лойиқмиз. Мураббий алмашиши ҳақида кўп гапирилмоқда. Билмадим, менинг омадим бор.

Гарчи одамлар кетишимни хоҳлаётган бўлса-да, мен бу ишни қилмоқчи эмасман. Ва, футболчилар ҳам. Қийин вазият ҳақида кўп гапирилмоқда. Тўғри, биз юқорида эмасмиз, аммо бу вазиятни ўзгартиришга жиддий киришганмиз.

Ўтган мавсум Ла Лигани ютдик. Биз. «Реал»... Келаси мавсумда, балки, қандайдир ўзгарришлар қилишга тўғри келар. Бироқ бу мавсумда ҳам курашиш ҳуқуқига эгамиз. Келинг курашамиз.

Биз чемпионатни ўтган йили ютдик, ўн йил аввал эмас. Шу сабаб озгина ҳурмат кўрсатинг.

Сиз (журналистлар) кўп гапирасиз. Бироқ сиз жавобгарликни ўзингизга олиб менинг юзимга айтишингиз керак: «Мен кетишингни хоҳлайман». Ёки: «Биз сени кетишингни истаймиз». Бироқ буни юзимга айтишинг керак, ортимдан эмас.

Бир куни дуранг ўйнаймиз ёки ютқазамиз, яна истеъфо ҳақида гап-сўзлар янграйди. Ҳар бир ёмон ўйиндан кейин мендан бу ҳақда сўрашади. Мен бундай муносабатга лойиқ эмасман.

Озгина жаҳлим чиқди, икки ҳафта изоляцияда бўлдим (коронавирус сабаб) ва охиригача курашишимни кўрсатиб қўйиш имкониятини интиқлик билан кутяпман", — деди Зидан.

«Реал» 20-турдан кейин 40 очко билан Ла Лига мусобақа жадвалида 3-ўринда бормоқда ва битта захира ўйинига эга «Атлетико»дан 10 очко ортда қолган.