"Реал" бош мураббийи Зинедин Зидан Испания чемпионати 1 турининг қолдирилган ўйинида "Хетафе" устидан қозонилган ғалаба (2:0)дан сўнг фикр билдирди.

«Ўйиндан мамнунман. Биз бироз бошқача схема билан ҳаракат қилган бўлсакда, яхши ўйин намойиш этдик. Учрашув олдидан биз ҳамма нарсани муҳокама қилиш ва тартибга солишни таҳлил қилдик. Йигитлар ҳаммасини кўнгилдагидек бажаришди.

"Атлетико"дан ортда қолаяпсиз? Ҳамиша охиригача курашиш бизнинг бурчимиздир. Рамоснинг келажаги бизга таъсир қиладими? Албатта, бу жуда катта таъсир қилади. Аммо, бу ҳақида гаплашиш ҳеч нарса ўзгартирмайди. Биз фақат курашни давом эттиришимиз ва ҳар доимгидек ўз ўйинимизни намойиш этишимиз керак»- деди Зидан.

Маълумот ўрнида, мадридликлар жорий мавсум, ортда қолган 22 тур натижаларига кўра, бугунгача 46 очко тўплаган ҳолда, Ла Лига турнир жадвалининг иккинчи поғонасида боришмоқда.