Мамлакат кубогининг 1/32 босқичида, «ПСЖ» сафарда «Кан» устидан 1:0 ҳисобида ғалаба қозонди. Учрашувдаги ягона гол эса 49-дақиқада Мойзе Кин томонидан киритилди.
Эътиборли жиҳати, ушбу ўйинда бир неча йиллр мобайнида «Барселона» ёшлар жамоасида тўп тепиб, ўз иқтидори билан ажралиб турган Хави Симонс «ПСЖ» сафидаги дебютини амалга оширди. 17 ёшли футболчи 78-дақиқада германиялик Юлиан Дракслер ўрнига майдонга тушди.
Каталония клубининг асосий ёш истеъдодларидан бири ҳисобланган Хави Симонс 2019 йил ёзида турли хил келишмовчиликлар туфайли «Барселона»дан «ПСЖ»га йўл олган эди. Ушбу трансферда агент Мино Раёла катта таъсир кўрсатган.
Маълумотларга кўра, Каталон клуби ёш футболчи билан биринчи профессионал шартномани бир қанча истисно шартларда яъни 200 минг эвро иш ҳақи, клуб академиясининг сўнгги тоифасидан жой олиш ва кейинчалик эса «Барceлона-Б»га ўтиш шу билан бирга, бир қанча бонуслар билан имзоламоқчи бўлган.
