"Наполи" ҳужумчиси Эсекиэль Лавесси "Ole" нашрига берган интервьюсида неаполдаги каби мухлислар ҳеч қаерда йўқлигини айтиб ўтди.
"Мен ишқибозларни бахтиёр қилган вақтимда улардан чиқадиган ҳиссиётларни қадрлайман. Аммо шу вақтгача шаҳарда ўзимни хотиржам ҳис қила оладиганим бирорта бир жой топа олганим йўқ. Мен амалда уйимга қамалиб олиб яшайман. Ҳар доим бир жойда овқатланаман, шаҳар марказига бормасликка ҳаракат қиламан", деди Лавесси.
"Бир сафар, бир неча харидларни амалга ошириш учун марказга бордим. Уч соат давомида у ердан чиқиб кета олмадим! Одамларнинг катта оломони сабаб йўлдаги ҳаракат тўхтаб қолди, биз полиция чақиришга мажбур бўлдик", деди аргентиналик футболчи.
"Бундан бошқа ҳолатлар бўлган. Бир сафар, "Милан"га гол урганимдан кейин, "Наполи"нинг бир ишқибози менга пойга отини совға қилмоқчи бўлганди. Баъзан машғулотларни ўз машинамнинг юкхонасида тарк этишга мажбур бўлганман. Ишончим комил, бошқа ҳеч қаерда ишқибозлар ўз футболчиларини бу қадар яхши кўришмайди", деди "Наполи" ҳужумчиси Эсекиэль Лавесси.
"Наполи" етакчиларидан бири ҳисобланга Лавесси ушбу мавсум А Серия доирасида 14 учрашувда майдонга тушган бўлиб, учта гол уришга муваффақ бўлган, олти марта эса самарали тўп узатишга муаллифлик қилган.
