"Интер" ҳужумчиси Диего Милитонинг айтишича, Карлос Тевеснинг Милан клубига ўтишидан жуда ҳам хурсанд бўлади. Бу ҳақда Sky Sport Italia хабар бермоқда.
Эслатиб ўтамиз, "Интер" "Манчестер Сити"нинг аргентиналик ҳужумчиси Карлос Тевесга даъвогар жамоалардан бири бўлиб турибди.
"Тевес ажойиб ўйинчи. Мен бир неча марта у билан ёнма-ён тўп сурганман, шунинг учун ҳам унинг имкониятлари билан яхши танишман. Тевес "Интер"га жуда ҳам катта ёрдам бера олган бўларди", деди Аргентина терма жамоаси аъзоси Диего Милито.
Аввалроқ, Тевеснинг агенти Киа Журабчиан "Интер"нинг Тевесга қизиқиш билдираётгани ҳақидаги гап-cўзларни рад этиб чиққанди.