«Манчестер Сити» бош мураббийи Пеп Гвардиола Англия чемпионатининг 24-тури доираисда бўлиб ўтган «Тоттенхэм»га қарши ўйин (3:0) борасида ўз фикрини билдириб ўтди.

«Биз ғалабага ҳақли бўлдик. «Шпорлар»нинг зарбасидан кейин тўп устунга тегди, агар гол бўлганида ўйиннинг бориши ўзгариши мумкин эди. Биз эса ўзимиз истагандек ўйнадик.

«Тоттенхэм»нинг ўзига хос хусусиятлари бор. Ўтган сафар ҳам яхши ўйнаб, 0:2 ҳисобида имкониятни бой бергандик. Улар ҳаво орқали яхши вазият яратишади. Бу маҳорат.

Ўзимизнинг ўйин услубимиз мавжуд ва биз бунга ҳамиша амал қиламиз. Сабрли бўлиши керак, жуда ҳам сабрли.

Пенальти очиқ-ойдин эди. Энди Родри доимо пенальти тепадими? Йўқ. Унинг дадиллигидан ҳайратландим, аммо зарба у қадар яхши чиқмади. Ҳазиллашмаяпман. 11 метрли жарима зарбасини ҳақиқий пенальтичи амалга оширади. Бунинг устида машғулотда ишлаш керак.

Агар Эдерсон ва пенальти ҳақида гапирсам, қаранг — у 60-70 метр масофага голли узатма берди. Ўйлашимча, у пенальтидан гол ура олади!» – деди Гвардиола.