«Manchester Siti» bosh murabbiyi Pep Gvardiola Angliya chempionatining 24-turi doiraisda bo‘lib o‘tgan «Tottenxem»ga qarshi o‘yin (3:0) borasida o‘z fikrini bildirib o‘tdi.

«Biz g‘alabaga haqli bo‘ldik. «Shporlar»ning zarbasidan keyin to‘p ustunga tegdi, agar gol bo‘lganida o‘yinning borishi o‘zgarishi mumkin edi. Biz esa o‘zimiz istagandek o‘ynadik.

«Tottenxem»ning o‘ziga xos xususiyatlari bor. O‘tgan safar ham yaxshi o‘ynab, 0:2 hisobida imkoniyatni boy bergandik. Ular havo orqali yaxshi vaziyat yaratishadi. Bu mahorat.

O‘zimizning o‘yin uslubimiz mavjud va biz bunga hamisha amal qilamiz. Sabrli bo‘lishi kerak, juda ham sabrli.

Penalti ochiq-oydin edi. Endi Rodri doimo penalti tepadimi? Yo‘q. Uning dadilligidan hayratlandim, ammo zarba u qadar yaxshi chiqmadi. Hazillashmayapman. 11 metrli jarima zarbasini haqiqiy penaltichi amalga oshiradi. Buning ustida mashg‘ulotda ishlash kerak.

Agar Ederson va penalti haqida gapirsam, qarang — u 60-70 metr masofaga golli uzatma berdi. O‘ylashimcha, u penaltidan gol ura oladi!» – dedi Gvardiola.