Гап шундаки, Лондон клуби мураббий билан шартномани муддатидан олдин бекор қилган тақдирда португалияликка катта товон пули тўлаши керак.

Моуриньо йилига 15 миллион фунт маош олади - бу унинг ҳамкасблари орасида жаҳон футболидаги энг катта маошлардан бири. «Тоттенхем» яқинда собиқ мураббий Маурисио Почеттинога товон пули тўлашни тугатганлигини ҳисобга олсак, клубни бундай қисқа муддатда яна, юқори миқдордаги товон пули тўлашга қодир эмас.

Аммо, бу Моуриньонинг истеъфоси учун тўсиқ бўла олмайди. Агар «шпорлар» Европа Лигасида узоққа бора олмаса, раҳбариятнинг сабр-косаси тўлиши мумкин. Клкб раҳбарияти орасида «Тоттенхем» нинг янги бош мураббийлиги учун «РБ Лейпциг» устози Юлиан Нагельсманн ёки «Лестер» бош мураббийи Брендан Рожерсни номзод сифатида кўрадиганлар бор.

Бироқ, ҳар иккала мутахассис билан ҳам камида мавсум охиригача битим тузилмаслиги кўп эҳтимол.

Маълумот ўрнида, сўнгги 6 ўйиннинг бештасида мағлубиятга учраган «Тоттенҳам» айни пайтда, 36 очко билан АПЛ турнир жадвалининг тўққизинчи поғонасида бормоқда.