ЕЧЛнинг 1/8 финал босқичи доирасида “Барселона“ ўз майдонида “ПСЖ“ни қабул қилди ва ўз дарвозасидан нақ тўртта тўп олиб чиққан ҳолда, мағлубиятга учради.
Дастлаб, биринчи бўлим аввалида Месси парижликлар дарвозаси томон белгиланган пенальтини аниқ ва бехато амалга ошириб ҳисобни очди. Ушбу голдан бироз муддат ўтар-ўтмас Килиан Мбаппе ўз голи билан мувозанатни тиклади ва жамоалар биринчи бўлимни дуранг билан якунлашди.
Иккинчи таймда мезбонлар ҳимоя қўрғонида юзага келган тартибсизликлар оқибатида Тер Штеген қўриқлаётган дарвоза Мбаппе томонидан яна икки бор ишғол этилди. Шунингдек, бир голга Мойзе Кин муаллифлик қилди. Якунда ҳисоб — 1:4. “ПСЖ“ Парижга ишончли ғалаба билан қайтмоқда.
"Барселона" Испания – "ПСЖ" Франция 1:4 (1:1, 0:3) «Камп Ноу»
Голлар: 1:0 – 27, пенальти Месси, 1:1 – 32 Мбаппе, 1:2 – 65 Мбаппе, 1:3 – 70 Кин, 1:4 – 85 Мбаппе.
"Барселона" – тер Штеген, Дест (Мингеса, 71), Лангле, Альба, Пике (Пуч, 78), Бускетс (Пьянич, 78), де Йонг, Педри (Тринкау, 78), Дембеле, Месси, Гризманн (Брэйтуэйт, 85).
"ПСЖ" – Навас, Курзава, Кимпембе, Флоренци (Керер, 89), Маркиньос, Верратти (Дракслер, 73), Паредес, Гуйе (Эррера, 46), Икарди, Кин (Данилу Перейра, 85), Мбаппе.
Огоҳлантиришлар:
Гуйе (20).
