Лондоннинг «Арсенал» клуби янги футболчиси Мартин Эдегор «канонирлар»нинг ёш мухлислар билан суҳбатлашди. Уларнинг бири Мартинга футболчи бўлишни хоҳламаслигини, чунки, «Реал» ҳимоячиси Серхио Рамосга қарши ўйнашдан қўрқишини айтди.
«Катта бўлсам архитектор бўлишни хоҳлайман. Футболчи бўлишни хоҳламайман, чунки мени оёғимни синдириши мумкин бўлган Серхио Рамосга қарши ўйнашдан қўрқаман», - деди ёш мухлис.
«Канонирлар»нинг бир қатор мухлислари бу суҳбатни ҳазил деб қабул қилишди ва ёш мухлисга футболчилик фаолиятини бошлашини маслаҳат беришди. Уларнинг фикрича, «Арсенал» ЕЧЛда иштирок этгунича Рамос футболчилик фаолиятини якунлашини ҳазиломуз тарзда муҳокама қилишди.
