Италия А Сериясининг 23 туридан ўрин олган учрашувда “Женоа“ ўз майдонида “Верона“га қарши баҳс олиб борди. “Луиджи Феррарис“ ўйингоҳида кечган баҳс томонларнинг жанговар дуранги билан якунланди.
Тенг курашлар остида ўтган ўйиннинг биринчи бўлим бошларида меҳмонлар ҳисобда олдинга чиқиб олишди. Танаффусдан сўнг, ҳамюртимиз Элдор Шомуродов заҳирадан майдонга тушиб, ўз голи орқали ўртадаги мувозанатни тиклади.
Орадан бироз вақт ўтгач “Верона“ вакиллари яна бир бор генуяликлар дарвозасини ишғол этишди. Учрашувнинг асосий вақтигача сақланиб қолган ушбу ҳисоб, ўйинга қўшиб берилган дақиқаларда ўзгарди ва “Женоа“ яна гол уриб, якунда 2:2 хисоби билан қийин учрашувда бир очко олишга муваффақ бўлди.
Бугунги, ниҳоясига етган қарама-қаршиликдан сўнг, “Женоа“ 26 очко билан ўн биринчи ўринда бормоқда, бугунгача 34 очко жамғарган “Верона“ эса тўққизинчи поғонани банд этган.
"Женоа" – "Верона" 2:2 (1:0, 2:1)
"Луижи Феррарис"
Голлар: Илич (17, 0:1), Шомуродов (49, 1:1), Фараони (61, 1:2), Баделж (90+5, 2:2).
"Женоа" – Перин, Чиборра (Пеллегрини, 46), Масьелло, Кришито, Дзаппакоста, Бадель, Радованович, Зайц (Шомуродов, 46), Стротман (Пандев, 67), Пьяца (Ровелла, 55), Дестро (Скамакка, 67).
"Верона" – Сильвестри, Гюнтер, Ловато (Четин, 46), Маньяни, Фараони (Роналду Виейра, 68), Тамез, Лазович, Дзакканьи, Илич, Барак, Лазанья.
Огоҳлантиришлар: Стротман (57), Четин (74).
