Футбол бўйича Испания Ла Лигасининг 24-тури доирасида «Барселона» ўз майдонида 21 февраль, шанба куни «Кадис»ни қабул қилди.

Учрашувдаги иккала гол ҳам пенальтидан урилди. 32-дақиқада «Барселона» ярим ҳимоячиси Педри ишлаб олган пенальтини Лионель Месси моҳирлик билан ижро этди. Ўйин якунланиши арафасида мезбонлар дарвозаси томон 11 метрлик жарима зарбаси белгиланди ва ундан Алекс Фернандес унумли фойдаланиб, жамоасини мағлубиятдан қутқариб қолди.

Шу тариқа «кўк-анорранглилар» 47 очко билан 3-ўринда бормоқда. Жамоа 2-ўриндаги «Реал»дан 5 очкога ортда қолмоқда. Рональд Куман шогирлари захирасида битта ўйин мавжуд. «Барселона»дан сафарда очко тортиб олишга муваффақ бўлган «Кадис» эса 25 очко билан 14-ўринда қайд этилган.

Ла Лига
24-тур баҳси
21 февраль, якшанба
«Барселона»—«Кадис» 1:1
Голлар: 1:0 – 32, пенальти Месси, 1:1 – 89, пенальти Алекс Фернандес.
«Барселона»: тер Штеген, Лангле, Дест (Мингеса, 80), Альба, Пике, Бускетс (Пьянич, 65), де Йонг, Педри (Тринкау, 74), Дембеле (Пуч, 80), Месси, Гризманн (Брэйтуэйт, 65).
«Кадис»: Ледесма, Карселен, Маркос Мауро, Эспино, Фали Ҳименес, Салви Санчес (Алехо, 62), Гарридо (Хосе Мари, 58), Искердо (Алекс Фернандес, 59), Переа (Ёнссон, 76), Негредо (Лосано, 59), Собрино.
Огоҳлантиришлар: Алехо (82), Хосе Мари (85).