«Челси» бош мураббийи Томас Тухель «Атлетико»га қарши ЕЧЛ 1/8 финал босқичининг биринчи учрашувидан олдин ўз фикрлари билан ўртоқлашди.
«Бу биз учун катта муаммо. "Атлетико" юқори даражадаги катта жамоа. Шу билан бирга тажрибали мураббийга ҳам эга. Умид қиламанки, ушбу учрашувда биз энг яхши ўйинимизни намойиш этамиз. Биз ўз услубимизда ўйнаймиз, улар эса ўзларига хос тарзда. "Атлетико" ҳақиқий кураш, тажриба, кучли психологияга эга рақиб», - дейди Тухель.
Эслатиб ўтамиз, жамоалар ўртасидаги ЕЧЛ 1/8 финалининг биринчи учрашуви 23 февраль куни Бухарестда (Руминия) бўлиб ўтади.
