Чемпионлар лигаси 1/8 финал босқичи, дастлабки учрашувларидан ўрин олган навбатдаги баҳс, Римдаги "Одимпико" ўйингоҳида кечди ва унда Италияга сафар қилган Мюнхеннинг "Бавария" жамоаси ўз рақибини йирик, 4:1 ҳисобида таслим этди.

Ўйиннинг дастлабки дақиқаларидаёқ хатога йул кўйган "Лацио" футболчилари "Бавария"нинг биринчи голи киритилишига сабаб бўлишди. Кейинчалик эса, биринчи таймнинг ўзида мюнхенликлар рақиб дарвозасига яна иккита тўп киритишди. Натижада, майдон эгалари танаффусга мағлуб ҳолатда чиқиб кетишди.

Иккинчи бўлимда эса мезбонлар вакили автогол муаллифига айланди ва ҳисоб 0:4 кўринишига келди. Ушбу ҳодисадан бироз вақт ўтгач "Лацио" гол ўрди. Аммо римликларнинг ушбу фойдали ҳаракати на ғалаба ва на дурангни таьминлаб берди. Охир-оқибат ҳисоб ўзгармади, 1:4. "Бавария" Мюнхенга кўнгилдагидек кайфият билан қайтади.

"Лацио" Италия – "Бавария" Германия 1:4 (0:3, 1:1) «Стадио Олимпико»

Голлар: 0:1 – 9 Левандовски, 0:2 – 24 Мусиала, 0:3 – 42 Сане, 0:4 – 47, автогол Ачерби, 1:4 – 49 Корреа.

"Лацио" – Рейна, Ачерби, Мусаккьо (Лулич, 31), Габаррон (Худт, 53), Лаццари, Лейва (Эскаланте, 53), Марушич, Луис Альберто (Акпа-Акпро, 81), Милинкович-Савич (Катальди, 81), Корреа, Иммобиле.

"Бавария" – Нойер, Зюле, Алаба, Боатенг, Дэвис, Киммих, Мусиала (Шупо-Мотинг, 90), Сане (Сарр, 90), Горетцка (Хави Мартинес, 63), Коман (Люка Эрнандес, 75), Левандовски.

Огоҳлантиришлар:
Луис Альберто (28), Лейва (51), Корреа (57), Марушич (65), Эскаланте (69), Киммих (72), Коман (75).