"Лидс Юнайтед" бош мураббийи Марсело Бьельса жамоасининг "Саутгемптон"га қарши ғалабали ўйинидан сўнг фикр билдирди.
«Бугун иккала жамоа ўртасидаги фарқ якуний ҳисобдагидек катта бўлмади. Учрашув жуда қийин кечди, гарчи биз рақибларга қараганда анча кўп ҳужум уюштирган бўлсак ҳам. Уларнинг икки хил қанот ҳимоячилари бор эди:
Ўнг қанот деярли ҳужум қилмади, чап томон эса кўпроқ олдинда ҳаракат қилиб, кам ҳимояланишди. Биз ўз ўйинимиздан келиб чиқиб, алмаштиришларни амалга оширдик. Иккинчи бўлимда биз тезда ҳисобни очганимизда, Рафиня ҳужумда жуда эркинликка эга эди. Ҳисоб, бундан ҳам йирикроқ кўринишга келиши мумкин эди», - дейди аргентиналик мутахассис.
Маълумот учун, айни пайтда "Лидс" 35 очко билан АПЛ турнир жадвалининг ўнинчи поғонасида бормоқда.
