«Манчестер Юнайтед» ярим ҳимоячиси Хуан Мата фаолиятини Италияда давом эттириши мумкин.
"The Sun" тарқатган хабарга кўра, 32 ёшли футболчига «Ювентус», «Рома» ва «Интер» клублари қизиқиш билдиришмоқда.
Испаниялик футболчининг «МЮ» билан шартномаси 2021 йилнинг ёзида якунига етади. Клуб уни яна бир йилга узайтириш ҳуқуқига эга. Матанинг ўзи мунтазам ўйин амалиётига эга бўлишни истамоқда.
Мата 2014 йилнинг январь ойида 45 миллион евро эвазига «Челси»дан «Юнайтед»га ўтган эди. Жорий мавсумда у 12та учрашувда майдонга тушиб, 2та гол урди ва 3та голга узатма берди.