"Реал" клуби раҳбарияти ярим ҳимоячи Каземиронинг Европа чемпионлар лигаси нимчорак финал босқичи жавоб ўйинидаги дисквалификациясини бекор қилдирмоқчи. Бу ҳақда "Marca" хабар тарқатди.

Манбага кўра, мадридликлар "Аталанта"га қарши бўлиб ўтган дастлабки ўйинда бразилиялик футболчига огоҳлантириш ноҳақ берилган, дея ҳисоблашмоқда. Яъни, "Реал" раҳбариятининг фикрича, Каземиро бергамоликлар ҳужумчиси Дуван Сапатага нисбатан қоидабузарлик қилмаганди. Мазкур огоҳлантириш 29 ёшли футболчи учун ЕЧЛ доирасидаги учинчиси бўлди ҳамда, мазкур "сариқ" бекор қилинмаса, у жавоб баҳсини ўтказиб юборади.

Каземиро жорий мавсумда "Реал" сафида барча мусобақалар доирасида 29та ўйинда майдонга тушиб, 6та гол урди ва иккита голга узатма берди. Унинг мадридликлар билан шартномаси 2023 йилга қадар тузилган.