«Милан» ҳужумчиси Златан Ибраҳимович бразилиялик собиқ футболчи Роналдо ҳақидаги фикрлари билан ўртоқлашди.

"Роналдо феноменига яна қўшимча кўрсаткич керак деб ўйламайман. У етук футболчи эди. Мен ҳар доим айтганман: футбол ўйнайдиган одамлар бор, яна шундай инсонлар борки, уларнинг ўзи футбол. Мен учун у — футбол.

Ҳамма у каби ўйнашни хоҳлаган, барча Роналдо бўлишни истаган. У ўз ҳаракатлари, қадамлари, мен «илон» деб атайдиган дриблинглари билан футболни буткул ўзгартириб юборган. Мен учун бошқа футболчи эмас, айнан у футбол тарихидаги энг яхши ўйинчи",  — Златан Ибраҳимович.

Роналдо фаолияти мобайнида «Реал», «Интер», «Барселона», «Милан» ва ПСЖ каби жамоаларда тўп сурган.