«Тоттенхэм» бош мураббийи Жозе Моуриньо жамоа ярим ҳимоячиси Гарет Бэйл ҳақида ўз фикрини билдириб ўтди.

«Бэйл ҳар доимгидан ҳам бахтлироқ, ўзига ишонган ҳолда кўринмоқда. Буни машғулотларда сезиш мумкин. Унда ўзига бўлган ишонч қайтди. Чоршанба кунги ўйинда ҳам бу ҳолат кўринди. Қўрқув ва салбий ҳиссиётларга эга футболчи ҳеч қачон бундай зарба бермаган бўларди. Бунинг учун яхши ҳолатда бўлиш керак. У "Тоттенхэм"га қайтганидан буён энг яхши формасига кирди.

Биз унга ишонамиз. Биз унинг тажрибасига ва ўйинни таҳлил қилиш қобилиятига ишонамиз. Барча унга яхши бўлишини истайди. Унинг учун энг яхшиси — «Тоттенхэм» учун яхшисидир», — деди Моуриньо.