"Арсенал"нинг собиқ ярим ҳимоячиси Робер Пирес ўз твиттерида айни вақтда "канонирлар" базасида машғулотларда иштирок этаётгани ҳақида маълум қилди.
"Ҳозир "Арсенал" базасида машғулотларда иштирок этяпман. Фақатгина жисмоний ҳолатимни яхши сақлаб туриш учун. Лекин мени "Арсенал"га қайтяпти деб ўйлаганлардан ҳам миннатдорман", - деб ёзади Пирес.
Робер 2000 - 2006 йиллар давомида "Арсенал" таркибида 189та ўйинда майдонга тушиб, 62та гол уришга мувоффақ бўлган. Унинг сўнгги ўйнаган клуби "Астон Вилла" бўлди. У ерни Робер ўтган ёзда тарк этган бўлсада, фаолиятини якунлаганлиги ҳақида эълон қилгани йўқ.