"Пахтакор" ярим ҳимоячиси Одил Ҳамробеков фаолиятини Бирлашган Араб Амирликларида давом эттириши мумкин. Бу ҳақда БААнинг "Al-Bayan" нашри хабар тарқатди.
Манбага кўра, ўзбекистонлик футболчи "Шабаб ал-Аҳли" билан шартнома имзолаши кутилмоқда.
Айни пайтда БАА чемпионатида трансфер ойнаси ёпилган бўлса-да, Регламентга кўра, клуб жиддий жароҳат олган футболчининг ўрнига қўшимча футболчини рўйхатдан ўтказиш ҳуқуқига эга. Ягона шарт: футболчи ижарага олиниши керак.
Шу боис, Ҳамробеков "Шабаб" клуби жароҳат олиб, яқинда операция қилинган Азизжон Ғаниевнинг ўрнини эгаллаши мумкин. Ҳозирда дубайликлар "Пахтакор" билан футболчини ижарага олиш борасида музокара олиб боришмоқда.
Эслатиб ўтамиз, "Шабаб ал-Аҳли" клуби яна бир ўзбекистонлик ярим ҳимоячи Жалолиддин Машариповнинг Саудиянинг "Ан-Насср" клубидан ижарага олган.
